Re: Kassandra, RCTV|1992
Beauty напиша:
Се согласувам со кажаното, иако лично мислам дека излегување на протести со цел уништување на веќе направени згради и поставени споменици е вандално и се добива сосема друга димензија. Како што и рече Крис, да не ќе се симне министерката за да ги исчисти? Не, по наш џеб ќе се удри.
Е сега, тука има неколку делови коишто провладините пропагандни машинерии сакаат да ги прикажат.
Прво, тие објекти се изградени со наши пари пред 5-6 години, без никаква референдумска согласност, а при тоа потрошени се милиони и милиони евра, да не зборувам пак колку милиони се исперени преку незаконските тендери за овој проект. А тоа што Ј.П. Чистота и Зеленило ќе треба да го исчисти е сосема неспорно. Претпријатие кое отсекогаш се финансирало со средства од локалната самоуправа, секако од наши пари нормално, тоа така било и ќе остане.
Второ, на тој "државен имот" не се испишани никакви навредливи пораки, не се шири говор на омраза туку се дава симболична порака, што ни најмалку не претставува вандализам. Всушност, имаме среќа што нашиот народ е така мирен, па не дојде до поголеми инциденти. Истото ова да се случеше во Германија, Грција или Италија (за Англија пак да не зборувам) мислите се овака мирно ќе пројдеше.
Трето тоа што сме дошле до овој степен некој што седи горе во вилата на Водно (да, тој човек кој го направи овој хаос и неред) требаше веднаш да сносеше одговорност и да поднесеше итна оставка, како и сите други функционери вклучени во оваа афера.
И четврто дури и да дојдеше до вистинско уништување на државен имот, дали тоа е пострашно од животот на сите Тамари, Мартиновци, сите родилки кои го загубија животот, животите на нашите полицајци кои за бившиот премиер и бившата министерка не значеа ни малку минатата година на 9-ти мај? Дали тоа е поголема штета од сите зголемени даночни оптоварувања на граѓаните, од сите задолжувања изминативе години, долг кој што во иднина ќе падне на наш товар и на товар на нашите деца?
А за сапуниците, реалните шоуа и други програми, тоа си е друго, но точно и тоа има голем удел посебно кај нас. Основната функција на медуимите кои користат национална концесија е да информираат точно, објективно, непристрасно, но и критички секако. Забавниот програм си е нивен избор, тука нема дискусија.
Нека се префрлат мислењата во Chat, но нека не се бришат.
