Dexter26
Добро-Познат Член
- 4,072
- 405
- 83
- Автор на оваа тема
- #101
Завчера, петок, 23 декември 2016, во 89-та година од својот живот, после кратко боледување почина македонскиот писател, раскажувач, романсиер, поранешен претседател на македонскиот ПЕН Центар, првиот претседател на македонскиот Хелсиншки Комитет за човекови права и еден од основачите на Транспарентност Нулта корупција, Мето Јовановски.
http://www.24vesti.com.mk/pochina-pisatelot-meto-jovanovski
Почина писателот Мето Јовановски
ЗАМИНА ПИСАТЕЛОТ МЕТО ЈОВАНОВСКИ
Почина писателот Мето Јовановски
Почина Мето Јовановски
?? октомври 1928 - 23 декември 2016
Лесна му земја
нека почива во мир
R.I.P.
http://www.24vesti.com.mk/pochina-pisatelot-meto-jovanovski
Почина писателот Мето Јовановски
http://www.utrinski.mk/default.asp?ItemID=EC3C8932B426F64F97D46496DA59ABEC24.12.2016 | 11:20
Писателот Мето Јовановски, кој беше беше претседател на Македонскиот ПЕН центар и прв претседател на Хелсиншкиот комитет за човекови права, почина вчера на 88 години. Ќе биде погребан в недела во неговото родно Брајчино, преспанско.
Во кариерата долга 6 децении, Јовановски објавил 30-на книжевни дела – збирки песни, раскази, романи, песни за деца, кои, особено расказите, се објавувани на повеќе светски јазици. Негови најпознати дела се романите „Писмо до саканата“,„Балканска книга на умрените или Ослободување преку зборување“,„Хајка на пеперутки“,„Слана во цутот на бадемите“, „Земја и тегоба“, збирките раскази „Јадреш“, „Мени на мојата месечина“, „Крстопат кон спокојот“, „Љубовта на Грифонот“, книгите за деца „Љуман Арамијата“ и „Војвода над војводите.
ЗАМИНА ПИСАТЕЛОТ МЕТО ЈОВАНОВСКИ
http://novatv.mk/pochina-pisatelot-meto-jovanovski/24.12.2016, 17:56
Комеморацијата за познатиот раскажувач и романсиер и прв претседател на Хелсиншкиот комитет за човекови права ќе се одржи денеска во ГЕМ-клубот
Во родното село Брајчино денеска беа погребани посмртните останки на писателот Мето Јовановски (1928 – 2016), кој почина по кратко боледување на 88-годишна возраст на 23 декември во кругот на семејството. Овој познат македонски раскажувач и романсиер, кој зад себе остави 30 книжевни дела, беше и прв претседател на Хелсиншкиот комитет за човекови права како и претседател на Македонскиот ПЕН-центар. Мето Јовановски припаѓаше на повоената генерација македонски писатели кои меѓу првите пишуваа на македонски јазик, а тој самиот и го негуваше, го афирмираше македонскиот јазик, но и будно следеше и укажуваше како тој се користи. Преведуваше и дела од англиски и руски јазик.
Мето Јовановски е автор на збирки песни, романи, песни за деца. Книгите му се објавувани на повеќе светски јазици, особено расказите: „Јадреш“, (1957), „Мени на мојата месечина“,( 1959), „Првите човекови умирања“,( 1971), „Патот до осамата“, (1978), „Крстопат кон спокојот“, (1987), „Љубовта на Грифонот“,(2005). Автор е на романите: „Писмо до саканата“„Хајка на пеперутки“(1957) „Слана во цутот на бадемите“ (1965), „Земја и тегоба“( 1968)„Сведоци“ (1970)„Будалетинки“, (1973), „Орловата долина“, (1979), „Крлежи“, (1984) и „ Балканска книга на умрените или Ослободување преку зборување“, (1992). Ги напиша и книгите за деца „Љуман армијата“ (1954) и „Војвода над војводите“ (1980), патеписот „Клучевите на Манхатан“ (1983), како и повеќе радио и ТВ-драми. Составувач е на антологијата „Една друга Америка“ (1978) и на лексиконите „Кој е кој, што е што“ (1963) и „Мал литературен лексикон“(1971).
Комеморација по повод смртта на Мето Јовановски ќе се одржи утре со почеток во 13 часот во ГЕМ-клубот во Скопје.
Во колумна за „Утрински весник“ под наслов „Напуштање на јазикот, татковината“ објавена на 17.11.2015 (која воедно е и еден од последните негови објавени натписи), Мето Јовановски меѓу другото напиша:
„Во преводите на македонски јазик, во издание на нашите издавачи, елементарната коректност како да е невозможна: или недостигаат интерпункциски знаци, или долу има фуснота, но не се знае на што се однесува и што е најлошо (само неколку попатни премери) визбата е подрум, с’скањето е шушкање, играта е игрица, цилиндерот е натакнат на главата на јунакот од романот, полицаецот е позорникар, маслото е зејтин, тоа што крцка чкрипи, не една година туку е година дена, работите „паѓаат во очи“, наместо дена дни, не е на земја туку „на земи“, наместо затне запуши, жените се женат, а мажите се мажат, петбанка... и уште многу слични „ствари“.
Просечно по три вакви коректорски, лекторски и лексички грешки на секоја страница од романот што го читам од вкупно 374 страници или вкупно 1.132 грешки. Сепак, најлошото е што под кожа на преведувачот му се пикнала српската синтакса, па така - не знам како е на бугарски (ако книгата не е преведена од српски?), но преведувачот во својата глава прво си го преведува во неговата глава на српски јазик – „... то није на продају“, па потоа во главата си го преведува тоа од српски на македонски и читателот конечно чита „... тоа не е на продажба!“ Стандардот што македонскиот литературен јазик, прифатен дури и од кумановци, што Македонците го постигнаа во времето на Благоја Корубин, Тошо Димитровски до упокојувањето на магот Блаже Конески, за кого сегашните политички џуџиња немаат почит, го наметнаа скопскиот уличен сленг така што (тие би рекле така да) целосно го истисна тој дострел. Прерано, пребрзо и прелесно им свртевме грб на централните говори врз кои е заснован македонскиот литературен јазик. Централните говори имаат неисцрпно богатство од кое литературниот јазик може да се збогатува и да се штити, да се брани од влијанието на предградијата на Скопје. Во секојдневниот меѓусебен разговор Македонците се повеќе и порутински мислат (ако воопшто мислат) на српски јазик чуен и приучен од српските програми во најгледаното време на провладините медиуми кои штедат и заработуваат на сметка на нашата татковина јазикот, па така му отвораат широк пат на скопскиот уличен јазик со кои ги разменуваат своите "мисли"...
Почина писателот Мето Јовановски
http://makfax.com.mk/kultura/почина-мето-јовановски/декември 24, 2016-11:22 am
По кратко боледување вчера вечерта (петок ) во кругот на семејството почина писателот Мето Јовановски (1928-2016) на 88 годишна возраст. Јовановски беше беше претседател на Македонскиот ПЕН центар и прв претседател на Хелсиншкиот комитет за човекови права. Тој беше припадник на повоената генерација македонски писатели кои меѓу првите пишуваа на македонски јазик и го создаваа и ширеа македонскиот јазик. Ќе биде погребан в недела во неговото родно Брајчино, преспанско.
Во кариерата долга 6 децении, Мето Јовановски неговото творештво брои над 30 книжевни дела. Објавуваше збирки песни, раскази, романи, песни за деца, а од нив, особено расказите, се објавувани на повеќе светски јазици, а Јовановски преведуваше од англиски и руски јазик. Автор е на расказите и негови најпоззнатии дела преведувани на повеќе светски јазици: „Јадреш“, 1957, „Мени на мојата месечина“, 1959, „Првите човекови умирања“, 1971, „Патот до осамата“, 1978, „Крстопат кон спокојот“, 1987, „Љубовта на Грифонот“, 2005. Ги напиша романите „Хајка на пеперутки“, 1957 „Слана во цутот на бадемите“, 1965, „Земја и тегоба“, 1968„Сведоци“, 1970„Будалетинки“, 1973, „Орловата долина“, 1979, „Крлежи“, 1984 и„ Балканска книга на умрените или Ослободување преку зборување“, 1992. Автор е и на две книги за деца „Љуман армијата“ од 1954 и „Војвода над војводите“ од 1980.
Архивска фотографија
Јовановски го напиша и патеписот „Клучевите на Манхатан“, 1983, а има напишано и радио и тв драми. Составувач е на антологијата „Една друга Америка“, 1978 и на лексиконите „Кој е кој, што е што“, 1963 и „Мал литературен лексикон“, 1971.
Мето Јовановски го негуваше и афирмираше македонскот јазик, а во еден од неговите последни написи, колумна за „Утрински весник“ со наслов „Напуштање на јазикот, татковината“, Јовановски зборува токму за негрижата на нашиот јазик во литературата.
Мето е татко на три деца, Билјана, Борјан и Светлана.
Во понеделник во 13 часот ќе се одржи комеморација во ГЕМ клубот во Скопје.
Почина Мето Јовановски
Мето Јовановски24.12.2016
Македонскиот раскажувач и романсиер и прв претседател на Хелсиншкиот комитет за човекови права Мето Јовановски, почина во петок на 88-годишна возраст.
Тој е автор на збирки песни, романи, песни за деца. Негови дела, особено расказите, се објавувани на повеќе светски јазици.
Во кариерата долга шест децении, Јовановски објавил 30-на книжевни дела – збирки песни, раскази, романи, песни за деца, кои, особено расказите, се објавувани на повеќе светски јазици.
Негови најпознати дела се романите „Писмо до саканата“,„Балканска книга на умрените или Ослободување преку зборување“,„Хајка на пеперутки“,„Слана во цутот на бадемите“, „Земја и тегоба“, збирките раскази „Јадреш“, „Мени на мојата месечина“, „Крстопат кон спокојот“, „Љубовта на Грифонот“, книгите за деца „Љуман Арамијата“ и „Војвода над војводите.
Мето Јовановски ќе биде погребан в недела во неговото родно Брајчино.
/крај/мф
?? октомври 1928 - 23 декември 2016
Лесна му земја
нека почива во мир
R.I.P.
