Телма уште од 2011 година или 2012 година ја токмат за затворање или за припојување кон групата на таканаречени "независни и антисоросидни" медиуми.
Но единствениот проблем е во тоа што Телма не е во сопственост на едно лице, туку е во сопственост на друга фирма, односно Макпетрол, а ни Макпетрол не е во сопственост на едно лице, туку е акционерско друштво кое има повеќе сопственици, чиј што број секој ден се менува.
Еден ден некој ќе купи по некоја акција од Макпетрол, со што станува уште еден од сопствениците на фирмата, друг ден некој ќе ги продаде сите акции кои ги има во Макпетрол, со што повеќе не е еден од сопствениците на фирмата.
Или некој ќе купи или ќе продаде повеќе или помалку акции со што неговиот/нејзиниот сопственички удел во фирмата ќе се зголеми или ќе се намали, а во вакви околности е тешко да се најде дежурен виновник за било какви неправилности во работењето на телевизијата, како што тоа во случајот со А1 Телевизија беше Велија Рамковски, кој беше прв и единствен сопственик на телевизијата.
Инаку, да, дали бидејќи неодамна се обновија со нов веб сајт, или бидејќи е изборна кампања, веб сајтот на Телма се соочува со технички проблеми изминативе 2 недели.
Или бидејќи некој ја токми за да ја уништи, се разбира и тоа е можно сценарио.
