Beauty напиша:
Како може политиката толку да е влезена секаде?
Гледам вмровскиве актери нешто протестираат
И како после да се почитуваат овие уметници.
Без навреда кон тебе Beauty, но ако нивната работа зависи од некоја политичка партија, без разлика за која политичка партија станува збор, тогаш тие не се актери, туку се партиски подлизурковци, тоа е моето лично мислење.
Протестите се насочени со цел да се стави крај на блокадата во Собранието на Република Македонија од страна на пратеничката група на политичката партија СДСМ при донесувањето на Буџетот на Република Македонија за 2013 година.
Доколку буџетот не се изгласа до крајот на 2012 година, тогаш сите државни и јавни институции или ќе прекинат да работат, или ќе зависат исклучиво од сопствените финансиски средства кои ги имаат на располагање, под претпоставка дека не ги потрошиле на козметички третмани, меѓусебни подароци и ред други ненаменски и непланирани трошоци.
Јас воопшто не верувам дека буџетот нема да биде усвоен до крајот на 2012 година, сигурен сум дека истиот ќе биде усвоен до крајот на 2012 година.
А трошењата предвидени со буџетот на кои пратениците од СДСМ се спротивставуваат се задолжувањата кај европските и кај светските банки за кредити од кои никој од нас нема да види никаква корист, бидејќи позајмените пари од истите тие кредити ќе бидат фрлени на споменици, на административни згради и на ред други тотално непотребни глупости, а на крајот истите тие позајмени пари од истите тие кредити сите ние ќе мораме да ги вратиме со отровно високи камати, некаде слушнав дека за позајмени 50 милиони евра ќе мораме да вратиме 80 и нешто милиони евра, доколку тоа е вистина, тоа значи дека ќе плаќаме камати од неверојатни 60%, што е надвор од здравиот ум и разум доколку нашинците навистина прифатиле такви кредити со такви ненормални камати.
Се разбира дека тие кои се директно погодени од неусвојувањето на буџетот ќе протестираат и ќе се жалат: пензионерите, социјалните случаи, сите кои се вработени во државната и во јавната администрација, воспитачите во државните градинки и забавишта, наставниците и професорите во државните основни и средни училишта, професорите на државните универзитети, актерите кои глумат во националните установи како МНТ и Драмски Театар, пејачите и музичарите во МОБ и Македонска Филхармонија, спортистите во националните спортски репрезентации, земјоделците кои ќе останат без субвенции и ред други кои зависат од Буџетот на Република Македонија ќе протестираат и ќе се жалат, иако актерите, пејачите, музичарите и спортистите на големо зависат и од спонзори, а не само од буџетот, а голем дел од нив, особено актерите и спортистите, заработуваат и од приватни ангажмани, поради што и не им се нешто баш многу потребни парите од Буџетот на Република Македонија.
Но кога партијата сака да изврши притисок врз тие кои се спротивставуваат на трендовите на задолжувања и на поскапувања, секогаш на располагање и се партиските подлизурковци за да излезат во одбрана на нездравите, да не речам лудите политики на партијата.
Таков однос применуваат и кон здружението АМАН кое протестира против поскапувањата и собира потписи против истите тие поскапувања, немајќи за што да го обвинат АМАН, наједноставно се обидуваат да го дискредитираат како здружение на партиски подлизурковци, именувајќи конкретни членови на АМАН кои истовремено се или биле членови на политички партии.
Раздели па владеј е докажано успешен и функционален владејачки принцип на секоја империска, диктаторска, тоталитарна и пред се, на секоја корумпирана власт.
