Најдобар дневен весник

[Burrows]

Дали купувате дневни весници, или ги читате по Интернет? Кој сметате дека е најдобар?

Јас вообичаено купувам Дневник во петок за „Антена +“ и во сабота за „Публика“. Сметам дека е најдобар во оваа област кај нас, има одличен дизајн, текстови итн. Понекогаш купувам и Нова Македонија и тој е супер откако се ребрендира во 2008-ма.

Утрински Весник исто изгледа добро, но некако ми е многу наклонет кон политиката и како да е наменет за постарата генерација. Вест ми е како дневно издание на Свет, но има пристоен мал формат за читање каде и да се наоѓам.

Време, Шпиц и Вечер - ќе ги опишам со само еден збор - УЖАС!

Јас гласам за Дневник и Нова Македонија, а исто така и вие можете да одберете повеќе опции и секако да го искажете своето мислење зошто гласате за тие весници.

 

[Burrows]

Инаку утре, на 20.03.2011 Дневник слави 15 години постоење. По тој повод овој викенд имаат роденденски број, како и неколку страници посветени за роденденот. Погледнете каква интересна насловна имаат, комбинација меѓу новиот и стариот лик на Дневник од првиот број.

 

[Bobi!]

Кај мене моите по обичај петок и сабота земаат Дневник, а останатите денови Вест. Вест дефинитивно им е најдобар, и отсекогаш сме го читале.

Како што кажа, Утрински ми е со премалку интересни статии, повеќе политички содржини.

 

[Missy]

Многу ретко купуваме весници ама ги читаме на интернет секојдневно. Најчесто читам Утрински јас ама сепак разгледувам и по другите што има.

Пред неколку години ( отприлика 8) во петок купував весник ( мислам Вечер дека беше) кога имаше списание Тв Око и во секој број за еден актер/ка од латино сериите имаше биографија и вести и слично. Уште ги чувам тие. Ќе ги побарам и ќе напишам по нешто од нив кога ќе бидам послободна

 

[Beauty]

Вест, најверојатно и поради содржините и малиот формат. Тоа го купуваме дома, иако порано купувавме Време поради наградните игри.
За Дневник и Утрински не можам да зборувам зошто ретко ги читам.


Она што го забележав пред некој ден е дека во Вечер не даваат ТВ програма за А1 и А2. Не знам дали во Време не даваат за АБ и Сител.

 

[Missy]

Мене пак Вечер ми е многу политички насочен и тоа само на кај власта што би се рекло „од кај што дува ветер од таму се вртат тие“

 

[Burrows]

Ужасно е што „Вечер“ како втор најстар весник е спуштен на катастрофално ниво. Од страшниот дизајн, до нападните текстови, Латас како уредник итн. Слично мислење имам и за „Време“ и за „Шпиц“.

Инаку на еден форум најдов една листа за тоа како се движат тиражите на весниците, ама не знам дали се официјални:

Шпиц ................... 40.000
Време .................. 26.000
Вест .................... 18.700
Дневник ............... 14.300
Нова Македонија ... 10.000
Утрински Весник ..... 3.100
Вечер .................... 2.700

Страшно е за тоа кои се први на листата, ама мислам дека е реално. Шпиц чини само 5 денари, а на пензионерите им е битно да читаат нешто (ефтино), а не колку е квалитетна информацијата. По автобуси исто само Шпиц се чита.
Чудно ми е што Вест е пред Дневник.

 

[Losteech]

Не читам последниве години весници... ама порано ми беше омилен Дневник. Од тоа што сум читал во последно време, Вечер и Утрински ми се убедливо најдосадни (посебно вториве, од никогаш не ми се допаѓале со начинот на информирање), Време и Шпиц ми се негде на средина, ама ништо посебно, така што Вест и Дневник за мене се најдобри. Вест се поинтересни во поглед на занимливости, додека пак Дневник во сериозните и спортските теми.

 

[igorao85]

Мене уопште не ми е чудно шо Вест е пред дневник оти он ти доаѓа како дневна жолта штампа ( а нашиов народ обожава такви ствари). Весник сум заборавил кога последен пат сум купил, али обавезно ги листам на нет. Најверодостоен со информации ми е Дневник , другите помалку или повеќе се наклонети кон некоја политичка опција ( за жал).

 

[Missy]

Јас повеќе читам Утрински на интернет заради тоа што има одлични коментари од читателите. Тие се подобри отколку веста

 

[yaprak_sonunda]

Дневно обично најчесто по дома купуваме шпиц и време, не знам зошто... Порано вест купувавме секој ден... Па уште порано дневник А во сабота ги купуваме сите можни дневни весници. Не знам зошто ))) Обичај ни е хахаха

 

[Rebellious angel]

Ние купуваме само Дневник во петок, заради Антена. Ама и тој многу не го читам, обично само втората половина или ако ми фати око некој наслов. Немам некоја навика да читам весници.

 

[Ana-Marija]

Додека бев во Македонија обавезно се купуваше Вест секојдневно,па тука си ја продолжив „традицијата“ со читање на интернет. Другите имаат многу политика,а овој не ти го замара мозокот толку со тоа.

 

[Стефан]

Јас многу многу не читам весници, но оти понекогаш ќе ги разгледам еве ги моите коментари:
Дневник: многу ретко купуваат моите и затоа не го читам.
Утрински весник: не ни купуваат
Вест: има добри рубрики
Нова Македонија: добар весник, кој знае да ме изненади со некој текст, а го обожавам во сабота списанието ПУБЛИКА кое излегува заедно со него
Вечер: немам купувано ни јас ни моите
Дреме и Шлиц: на почетокот баба ми и дедо ми ги купуваа, ама сега престанаа, премногу се критички настроени, но мене ми се омилени и убави рубриките да технологии и слични работи, а во ТВПрограмата само А1 и А2, и скоро ништо друго...

Ова е мојата мала анализа, и додајте во понудените одговори на анкетата: Ниту еден од наведените

 

[Крис]

Немаш опција НИТУ ЕДЕН, затоа не гласам.